Діни экстремизм және терроризмге қарсы күрес

DSC_0096 копия копия

Жуырда, әлеуметтік тапсырыс бойынша, «Меркі-Шапағат» жастар қоғамдық ұйымының ұйымдастыруымен, Меркі ауданының Тәтті ауылында дөңгелек үстел жиыны болып өтті.

Дөңгелек үстел жиынын  Тәтті ауылдық округінің әкімі Т.Әлметов қысқаша сөз сөйлеп ашып, «Меркі-Шапағат» жастар қоғамдық ұйымының төрайымы Ә.Исаеваға, одан соң негізгі тақырып бойынша Жамбыл облысы Дін істері басқармасының Меркі ауданы бойынша инспекторы, теолог Б.Жұмасетовке  сөз берді.Б.Жұмасетов діни экстремизм және терроризмге қарсы күрес туралы мазмұнды баяндама жасап, осынау келеңсіз көріністің алдын алу және болдырмау жолдарын түсіндірді.

Баяндамашы «экстремизм» деген латын сөзі «шеттеу», яғни, орталықтан ауытқу, тәртіпке бағынбау, өз пікірімен ғана іс — әрекет жасаушы деген ұғымды білдіреді. Экстремизмнің пайда болуы надандыққа, көрсоқырлыққа бейімделген көзқарастардан туындайды, яғни олардың ойы «тек қана менің пікірім дұрыс, өзгенікі бұрыс дегенге саяды» — дей келе, бұл оның ең алғашқы кезеңдері болып саналады. Сондай ақ, тағы бір көрінісі — өзгелерді көре алмау, түсінбеу немесе түсінгісі келмеу. Олар өздерін өте таза, кіршіксіз санап, басқаны адасушыларға жатқызатынын, діндегі жеңілдеткен үкімдерді ауырлатып көрсетіп, халыққа түймедейді түйедей етіп көрсететіні, мұсылмандық адал, таза тіршілікті лайлауға барынша тырысып бағатыны туралы нақты мысалдар келтіре отырып әңгімеледі.

Одан соң «терроризм» сөзі өзінің ұғымында джихадты, муджахидтарды, шариғат елдерінде жаза қолдануды қамтидтынына тоқталды.«Терроризм» – араб тілінде «ирхаб» сөзімен аталады, мағынасы – «қорқыту» — дегенді білдіреді деді баяндамашы. -Терроризм мен діни экстремизм адамзат баласына қауіп пен қатер төндіретін ұйымдар. Олар өз мүдделерін жүзеге асыру үшін небір озбыр әрекеттерге барады. Билік пен байлыққа қол жеткізу үшін ештеңеден тайсалмайды. Билікті орнынан кетіріп, дінді сылтау етіп, адамдар өміріне қауіп ұялатады. Қоғам арасында алауыздықты тудырып, тыныштықты бұзады. Арандатулардан аулақ болу үшін, біз саналы, ашық коммуникативті, әлеуметтік тұлға ретінде өзімізді тәрбиелеуіміз керек, — деді Бақыт Әбдіқадірұлы.

            Дөңгелек үстел жиынында   М.Зүбайдаев, Қ.Мамырбаев, Ш.Жуасбекова, С. Тілеубаева,  Д.Капсаланова және басқа ауыл тұрғындары өз ойларын ортаға салды,  өздерін ойлантатын сауалдарын қойып, нақты  жауаптар алды.

Жалпы, « Діни экстремизм және терроризмге қарсы күрес – басты міндетіміз» атты тақырыптағы жиындар, дөңгелек үстелдер мен  пікір алмасулар Ақермен, Ақтоған, Аспара,  Кеңес, Андас батыр және басқа да ауылдық округтерде ауыл тұрғындарының, жастарының қатысуымен ұйымдастырылды.

 

Ә.Әлимансұр,

Меркі.                                                                                

 

 

 

 

 

 

                                                                                          

 

Добавить комментарий

Ваш e-mail не будет опубликован. Обязательные поля помечены *